ပူဆွေးဝမ်းနည်းခြင်းရဲ့ ပုံမှန်အမျိုးအစားတွေ

ပူဆွေးဝမ်းနည်းခြင်းကိုယ်တိုင်က ပုံစံအမျိုးမျိုးဖြစ်နိုင်ပါတယ်။ ၎င်းတို့၏အမည်တွေကို မှတ်သားထားခြင်းက သင်ဘာတွေခံစားနေရလဲဆိုတဲ့အရာကိုသိဖို့ ကူညီပေးနိုင်ပါတယ်

ပုံမှန် (ရိုးရှင်းသော) ပူဆွေးဝမ်းနည်းခြင်း

• အချိန်ကြာလာတာနဲ့အမျှ တက်လိုက်ကျလိုက်ဖြစ်နေတတ်တဲ့ ဝမ်းနည်းမှု (သို့မဟုတ်) လွမ်းဆွတ်မှုလှိုင်းတွေ 

• တဖြည်းဖြည်း လက်ခံလာခြင်း၊ စိတ်သက်သာရာရခြင်း (သို့မဟုတ်) စိတ်တည်ငြိမ်မှုရ ခြင်းတို့ ပေါင်းစပ်နေခြင်း

ရှုပ်ထွေးသော (ကြာရှည်သော) ပူဆွေးဝမ်းနည်းခြင်း

• လအတော်ကြာသည်အထိ မသက်သာဘဲ ပြင်းထန်တဲ့ ဝမ်းနည်းမှုတွေရှိနေခြင်း

• ဘဝကို ပြန်လည်သက်ဝင်လှုပ်ရှားရန်ခက်ခဲခြင်း (သို့မဟုတ်) အနာဂတ်ကိုစိတ်ကူးရန် ခက်ခဲခြင်း

ဆုံးရှုံးမှုဟုမသတ်မှတ်သော ပူဆွေးဝမ်းနည်းခြင်း

• ပွင့်ပွင့်လင်းလင်း အသိအမှတ်မပြုခြင်း (သို့မဟုတ်) လူမှုရေးအရ ပံ့ပိုးမှုမရှိတဲ့ ဝမ်းနည်းခြင်း

• ဥပမာ- အိမ်မွေးတိရစ္ဆာန်၊ အလုပ် (သို့မဟုတ်) လူနေမှုပုံစံဓလေ့ ဆုံးရှုံးခြင်းအတွက် ဝမ်းနည်းပူဆွေးခြင်း

ကြိုတင်ဖြစ်ပေါ်နိုင်သော ဝမ်းနည်းခြင်း

• ဆုံးရှုံးမှုမဖြစ်ခင်မှာ ဝမ်းနည်းပူဆွေးခြင်း (ချစ်ရသူတွေ အသက်ရှင်မှာ မဟုတ်ဘူးလို့ စိတ်ပူနေတဲ့အခါ ပုံမှန်ဖြစ်တတ်ပါတယ်)

• နှုတ်ဆက်ခြင်းကို “လေ့ကျင့်ခြင်း” (သို့မဟုတ်) အပြစ်ရှိတယ်ဆိုတဲ့ ခံစားချက်နှင့် ရောနှောနေသော စိတ်သက်သာရာရခြင်းတို့ ပါဝင်နိုင်ပါတယ်

စုပေါင်း (သို့မဟုတ်) လူမှုအသိုက်အဝန်းဆိုင်ရာ ပူဆွေးဝမ်းနည်းခြင်း

• လူမှုအသိုင်းအဝိုင်း၏ဆုံးရှုံးမှုတွေ - အိမ်တွေ၊ ကျောင်းတွေ၊ ဘုရားကျောင်းတွေအတွက် ဝမ်းနည်းပူဆွေးမှုကို မျှဝေခံစားခြင်း

• စည်းလုံးညီညွတ်မှုကို မြှင့်တင်ပေးနိုင်ပေမယ့် လူမှုအသိုင်းအဝိုင်းရဲ့ စိတ်ဒဏ်ရာကို လည်း ပိုမိုနက်ရှိုင်းစေနိုင်ပါတယ်။